Borro, Girolamo De motu gravium et levium 1575

author index 87 / 316      search

67
esse finxit, in cælo sitam: non vt ibi quiescat, sed vt peren­
ni conuersione rotunda circum medium lata, diem, ac noctem
efficiat.

Præterea aliam terram fabricauit contrariam: quam
ἀντίχθονα id est, aduersam nominauit: idque quibus potius
rationibus confirmare nixus, longam orationem contexuit: di­
xit enim Nobilissimo corpori nobilissimus locus, in quo custo­
diatur, natura debetur: at ignis omnium elementorum est
nobilissimus, locus ergo, qui cæteris nobilitate præstet, in quo
custodiri, & conseruari possit, igni natura debetur: hic est
locus mundi medius: ignis ergo, & non terra, est in medio mun­
di locatus, qui etiam est terminus, & finis, ideo præstantior
corporibus, quæ ab illo terminantur, ac finiuntur: ex quibus
concludentes, non credunt terram in medio mundi esse loca­
tam, sed ignem. Appellant autem Pythagorei hunc medium
ignis locum, Iouis custodiam; quod maxima cum diligentia
præcipua pars vniuersi custodienda sit, qualis est medius mun
di locus igni natura tributus.

At si Pythagorei animaduertissent medium duobus mo­
dis dici, in hos scopulos non impegissent. Medium enim dici­
tur: primo de medio magnitudinis, secundo de rei, atque na­
turæ ipsius medio. Magnitudinis medium, in hominibus erit
vmbilicus, à quo cibi reliquiæ, & corporis excrementa, & sor­
des custodiuntur: ideo hoc medium magnitudinis non potest
esse perfectum. Medium autem rei & naturæ in eisdem ho­
minibus est locus subter præcordia, vbi cor est; vitæ principium,
ibi nullæ cibi reliquiæ conseruantur, nullæque sordes custodiun
tur, sed purissimus sanguis, ac spiritus; Idem est de vniuerso
affirmandum. Medium magnitudinis in vniuerso est centrum;
quod vile admodum est: sed rei & naturæ medium illud est,