Casati, Paolo Terra machinis mota 1658

author index 82 / 241      search

74
oculo ad centrum applicato perpendiculum
indè suspensum cadere parallelum perpendi­
culo, quod ex extremâ diametro pendet, &
constituere angulum cum diametro æqua­
lem illi, quem cum eâdem diametro facit
perpendiculum ex eius extremitate suspen­
sum. Quare sola centri altitudo supra terræ
superficiem, assumenda est tanquam oculi
obseruatoris altitudo.

Guld. Vel si minùs placeat perpendiculo
vti, Quadrantis latus horizontaliter iacens
duplicetur, & in extremâ diametro fiat cen­
trum, circa quod conuersa dioptra tantisper
eleuetur, dum linea fiduciæ congruat radio
optico terram tangenti; nam semissis anguli
ad centrum facti cum latere horizontaliter
iacente insistentis eidem arcui, est angulus
depressionis infra horizontem, æqualis an­
gulo ACD facto in centro terræ; cuius com­
plementum est quæsitus angulus CAD.

Gal. An non operæ pretium facturus es­
set, qui illud demum in praxim deduceret,
quod ego olim aliud nescio quid meditans
perficiendum iussi, sed aliis curis distractus
ad exitum non perduxi? Duxeram in plano
verticali lineam horizontalem longam pe­
des Rom. ferè quinquaginta, & in eius ex­
tremo puncto, quod eam cæli plagam re-