Casati, Paolo Mechanica 1684

author index 779 / 815      search

763
spira, & vicissim prominentem receptaculi spiram excipiat de­
pressa cylindri spira. Ex quo fit, ut convolutus circa suum
axem cylindrus attollatur aut deprimatur, adducatur aut redu­
catur, prout opus fuerit, atque cum eo corpus basi illius proxi­
mum, seu adnexum urgeatur, aut trahatur, elevetur, aut pie­
matur.

Vulgatissimus autem & frequentissimus est hujus Facultatis
usus, ubi potissimùm opus est validâ pressione, ut in prælis vi­
nariis ad exprimendum ex uvæ jam pressæ reliquiis tortivum
mustum, apud typographos ad imprimendos subjectæ chartæ
ex typis characteres, apud bibliopægos ad comprimendos li­
bros, jam compactos, apud fabros ferrarios ad firmandas fer­
reas laminas limâ expoliendas, atque apud alios artifices.
Quamquam & sæpissimè clavorum loco, quibus ligna, aut me­
tallicæ laminæ configuntur citrà mallei percussionem, cochleis
utimur, & quidem ad validiorem atque perennem firmitatem;
neque enim revelli potest cochlea, aut excuti, quemadmodum
clavus. Sed tunc hujusmodi cochleæ non exercent vim facul­
tatis Mechanicæ; eatenus scilicet validiùs, quàm clavi, duo
corpora, quæ compinguntur, connectunt, quatenus multipli­
ces in cylindruli facie solidarum spirarum ductus pluribus cavis
foraminum spiris implicantur ex cylindruli convolutione; qui
propterea eximi non potest, nisi in contrarium revolvatur;
quandiu quidem incorruptum permanet lignum neque ex hu­
more putrescens, neque vermiculo erodente cariosum, neque
calore nimio ita discedens atque dehiscens, ut laxato foramine
jam non ampliùs solida cylindruli spira congruentibus striis
coërceatur.

Hinc est in sustentando pondere ex cochleâ suspenso pro­
priè non exerceri vim Mechanicam; nihil enim ampliùs co­
nante Potentiâ (quemadmodum in Vecte, aut Axe in Peritro­
chio, aut fune Trochlearum retinendo opus est, quæ pondus
elevavit convoluto cylindro in cochleam deformato, sola spira­
rum cavæ atque convexæ complexio efficit, ut cylindrus cum
adnexo pondere retineatur, ne recidat, quatenus à subjectâ lo­
culamenti spirâ solidâ sustinetur: quemadmodum & subscudi­
bus compagem cohibentibus accidit, quatenus securicla ex mi­
nore in majorem amplitudinem explicata decrescentis recepta-