Borelli, Giovanni Alfonso De motionibus naturalibus a gravitate pendentibus 1670
author indexprevious page74 / 579next page
 show/hide xml  show page   search

66

Cap. 3. flui­
dum in suo
toto quie­
scens pon­
derat.

PROP. XXXI.

Diuisio quæ effici potest à compressione instrumenti non acu­
ti, veluti est malleus, paritèr ad cunei actionem
reducitur.

QVandoquidem particulę corporis à malleo con­
pressæ insinuantur directè, promouenturque
intra alias collaterales particulas, & quia in­
sinuatio prædictarum partium effici non potest nisi
collaterales particulæ non contusæ locali motu late­
rali transportentur, hinc fit, quòd particulæ illæ con­
pressæ immediatè actionem cunei referant: malleus
verò sit instrumentalis causa mediata, seù potiùs vir­
tus impellens particulas compressas, cuneos refe­
rentes.

PROP. XXXII.

Vesica arena, vel aqua repleta vndique, & in omni­
bus partibus eius ab innumeris cuneis compressaneque
scindi, neque flecti, neque figuram commu­
tare potest.

SVpponatur modò vesica ABCD, quæ repleatur
aqua, vel hydrargyro, aut arena, vel globulis
crystallinis minutissimis, tunc si huiusmodi vesica à
pauimento RS fulciatur, atque ei superponatur acies
securis, vel nouaculæ I, procùl dubio, aut vesicą
scindetur, aut saltèm fluidum, siue arena contentą