Borelli, Giovanni Alfonso De motionibus naturalibus a gravitate pendentibus 1670

author index 72 / 579      search

64

bus ponderibus C & M, & ideò æquilibrium efficie­
tur, scilicèt intercepta lamina AB nil prorsùs flecte­
tur, quia licèt à pondere supremo C deorsùm lami­
na pellatur, repellitur infernè à corpore M non qui­
dem propria vi, (cùm tendat deorsùm ob eius gra­
uitatem) sed ab excessu ponderis IG supra M.

Cap. 3. flui­
dum in suo
toto quie­
scens pon­
derat.

PROP. XXIX.

Animalis infra aquam demersi membra non flectentur,
eò quòd vndique contrarijs viribus à fluido com­
primuntur.

IN superiori diagrammate habemus exemplum si­
mile omninò corpori animalis in aqua natantis,
nam licèt animalis brachium, ver. gra. AB, compri­
matur à superposita aqua C, non tamen flectetur de­
orsùm, aut disrumpetur, cùm præstò sit aqua subie­
cta M, quæ sursùm manum brachiumque repellat,
impediatque eius depressionem, flexionemque, non
quidem propria vi grauitatis eius, sed virtute compres­
siua collateralis aquæ IG,

quæ in libra, vel siphone i­
maginario, eo pondere, quo
excedit grauitatem aquæ M,
eam sursùm impellit, & pro­
pterea Brachium AB sustinet
ne à pondere supremo incuruetur, aut disrumpatur.

Et hoc (dicet aliquis) sufficeret ad luxationem̨
membrorum animalis euitandam, sed non proindè