Baldi, Bernardino In mechanica Aristotelis problemata exercitationes 1621

author index 70 / 214      search

potest, quod in libris de ani­
malium incessu docet ipse­
met Philosophus. Sit igitur,
piscem conuerti velle, & fie­
ri capite in D, deflectet illi­
co caudam in E, caque; aquam
ceu stabile quippiam feriens
eiqueue quoddammodo fultus,
reliquum corpus CA refle­
ctet in D, si autem conuerti
velit in F, caudam deflectet in G, & eadem ratione flecte­
tur in F. Sed & Temonis quoque vsum præstat natatili­
bus & volatilibus cauda. Sit enim rectus piscis, hoc est, re­
ctâ pergens IKL, caudam obliquet in KM itaque ex a­
quæ in ipso motu collisione, eius posteriora pellentur vbi
INO. Hæc itaque nos de Temone, quatenus ad hanc
quæstionem pertinet, considerasse sit satis.

QVÆSTIO VI.

Dubitatur, Cur quanto Antenna sublimior fuerit, ÿsdem velis, &
vento eodem celeriùs ferantur nauigia?

Soluit Philosophus, inquiens: An quia malus quidem
sit vectis, fulcimentum verò mali sedes, in qua colloca­
tur, pondus autem quod moueri debet, ipsum nauigium:
mouens verò is, qui vela tendit spiritus? Si igitur quanto
remotior fuerit fulcimentum facilius eadem potentia, &
citiùs idem mouet pondus, altius certè sublatâ antennâ,
velum à mali sede, quae fulcimentum est remotius faciens,
id efficiet. Hæc ille. quæ sic figurâ explicamus.