Casati, Paolo Mechanica 1684

author index 697 / 815      search

681
eo statu; ad quem illum adduxit: at ponderis adnexi gravitas
manet, & ibi retinet arcum, quò eum adduxit; nisi fortè ali­
quem impetum acquisierit in descensu, quo pereunte, aliquan­
tulum præpolleat vis elastica, & sursum retrahat appensum
pondus. Licet igitur globulo cadenti æqualiter resistere dican­
tur arcus fortior qui minùs flectitur, & mollior qui magis flecti­
tur; postquam tamen jam per vim inflexi sunt arcus, naturali­
ter partes minùs flexibiles validiùs conantur se restituere, quàm
flexibiliores: quemadmodum gravitas ut quatuor, & gravitas
ut duo, si moveantur per vim motu reciprocè subduplo, æqua­
liter resistunt moventi; sed si utraque suspendatur, inæquali­
ter conantur suos motus naturales.

CAPUT VII.

Quàm dispares ex motûs velocitate sint
percussiones.

PErcussionem ex ea parte, quatenus à simplici Impulsione
distinguitur, motum exigere antecedentem, quo impetus
acquiratur, superiori capite definitum est. Nunc verò, quia pro
motuum velocitate diversâ dispares sunt percussionum vires,
quærendum est, unde dissimilitudo ista procreetur, & quænam
servari Ratio videatur, sivè inæquales ejusdem corporis, sive
diversorum corporum percussiones inter se comparentur. Est
autem considerandum in Impetu, qui est proximè efficiens mo­
tum, aliud esse ejus quantitatem, sivè entitatem accipere, aliud
in ejusdem Intensione consistere: intensionem consequitur ve­
locitas motûs, at ex entitate ipsâ magis extensâ, quamvis mi­
nùs intensâ, ac proinde ex motu tardiore, oriri potest validior
ictus, de quo in sequentibus. Ex motûs autem velocitate, quæ
corpori vi præcedentis motûs congrueret, si nihil obstaret, per­
cussionem fieri majorem tam certis experimentis constat, ut vel
cæci, si quando præfidentes concitatiùs ambulando caput ad
objectum parietem allidunt, id abundè testari valeant; corpus