Fabri, Honoré Tractatus physicus de motu locali 1646
author indexprevious page68 / 491next page
 show/hide xml  show page   search

36
tum producit; vt patet in impetu, non tamen est eodem modo applicata,
id est in eadem linea.

Theorema 55.

Hinc ratio multorum effectuum physicorum e. ui potest; cur scilicet cor­
pus incidens in aliud perpendiculariter maximum ictum infligat; quia
scilicet maximum impetum producit, qui possit ab eo produci; cur
idem corpus obliquè incidens in aliud minorem ictum infligat; cuius
rei alia ratio esse non potest. Huc etiam reuoca tormenta bellica, quæ
vel directo, vel obliquo ictu muros verberant; hinc perpendicularis
fortissima est; licèt eadem ratio pro motu corporum non valeat, quæ
valet pro diffusione, seu propagatione qualitatum.

Theorema 56.

Hinc potest determinari quota pars impetus producatur, & quantus
sit ictus; cognito scilicet & supposito eo impetus gradu, qui producitur,
cum totus producitur, vt fit in perpendiculari; quippe tota mensura
impetus continetur in arcu CB; quam proportionem nos infrà demon­
strabimus.

Theorema 57.

Si linea directionis ducatur per centrum vtriusque globi, mobilis scilicet
& immobilis, impetus producit totum impetum quem potest producere siue in
maiori globo, siue in minori, siue in æquali; patet experientia; cuius ratio
est; quia impetus est causa necessaria; Igitur idem impetus eodem mo­
do applicatus æquali tempore, æqualem semper effectum producit, per
Ax. 12. igitur cum impetus agat tantùm, vt tollat impedimentum per
Th. 44. & cum in prædicta linea agat quantum potest per Th. 50. cer­
tè æqualem effectum producat necesse est; siue in maiori siue in mino­
ri, siue in æquali globo immobili.

Theorema 58.

Hinc impetus remissus potest producere intensum; & hæc est altera difficul­
tas; cum scilicet maior globus in minorem impingitur; cum enim omnes
partes impetus maioris globi agant actione communi per Th. 46. &
cum agant quantùm maximè possunt; in minore globo, tot partes pro­
ducunt impetus, quot in maiore, vt patet; igitur in minore globo pau­
cioribus partibus subiecti distribuuntur plures partes impetus; ergo in
qualibet parte subiecti sunt plures; sed hoc est esse intensum, vt constat,
igitur impetus remissus producit intensum; quod est paradoxon egre­
gium.

Theorema 59.

Hinc etiam impetus intensus producit remissum, cum scilicet minor globus
in maiorem incidit; quia scilicet pauciores partes impetus distribuun­
tur pluribus partibus subiecti; igitur quælibet subiecti pauciores impe­
tus habet; quæ omnia constant ex dictis.