Delfino, Federico De fluxu et refluxu aquae maris 1559
author indexprevious page64 / 75next page
 show/hide xml  show page   search  


æstiuum iudicauit Ptolomæus; & propter hoc eas moueri
uersus orientem, uidelicet secundum successionem signorum
eclipticæ fixæ scilicet nonæ. uerum est tam quod propter æ­
quationem octauæ sphæræ tunc decrescente, quia sectio ecli­
ptica octauæ sphæræ cum æquinoctionali mouebantur tem­
pore suo per eclipticam octauæ sphæræ uersus occidentem
appropinquando stellis fixis, quæ erant uersus occidentem
ab ea, & elongando se à stellis fixis, quæ erant uersus orien­
tem ab ea, uisæ sunt Ptolomæo stellæ ipsæ moueri uersus o­
rientem secundum scilicet successionem signorum: eo quia
Ptolomæus putabat intersectionem eclipticæ octauæ sphæræ
cum æquinoctionali esse intersectionem eclipticæ fixæ nonæ
scilicet sphæræ: quia solam eclipticam nonæ sphæræ imagina­
batur, quam intersectionem semper fixam existimabat, & pu­
tabat eam esse caput arietis zodiaci nonæ sphæræ, seu primi
mobilis. Purbachius autem triplicem motum octauæ sphæræ
inesse dixit: unum quidem à primo mobili, seu decima sphæ­
ra diurnum, scilicet quòd in una die naturali octauæ sphæræ
cum aliis sphæris inferioribus ei semel super polis totius ma­
chinæ mundi reuoluitur: alium à nona sphæra, quæ secundum
mobile uocauit; quo motu nonæ sphæræ, octaua sphæra cum
aliis sphæris inferioribus mouetur omnibus 69200 annis per
unum gradum, et XXVIII min. uersus orientem regulari­
ter contra motum decimi orbis, seu primi mobilis super po­
lis zodiaci nonæ sphæræ existentibus semper directo sub polis
zodiaci decimæ, seu primi mobilis, adeo quòd zodiacus no­
næ sphæræ semper est directus sub zodiaco decimæ, seu primi
mobilis, & ecliptica nonæ sphæræ semper sub ecliptica deci­
mæ, taliter quòd superficies eclipticæ decimæ, seu primi mo­
bilis, tanquam pars in toto, nusquam ab ea declinans, & iste
motus nonæ sphæræ datus octauæ, & aliis sphæris inferiori­
bus, octauæ appellatur motus augium, & stellarum fixarum
in tabulis: quia ad istum motum nonæ sphæræ dictum octa­
uæ, & aliis sphæris inferioribus octauæ, mouetur octauæ sphæ
ra cum stellis fixis, quæ sunt in ea, & mouentur auges planetarum,