Guevara, Giovanni di In Aristotelis mechanicas commentarii 1627

author index 55 / 303      search

47
rem autem semper eam quæ præter naturam est ipsa minor
fertur: quia enim centro est vicinior quod trahit, vincitur
magis.

COMMENTARIVS.

Qvamuis Philosophus superiori textu semel atque
iterum assumpserit, semidiametrum, seu lineam
circulum describentem, duabus ferri lationibus,
prout explicuimus; huc tamen illud probandum
reliquit, & ex dictis etiam de motu antrorsum & retrorsum
manifestum esse docet. Id igitur hic probat ex eo. Nam si
in descriptione circuli, semidiameter vnam tantum lationem
pateretur, vt verbi gratia naturalem, qua rectà tenderet ver­
sus, vnam aliquam differentiam situs, nunquam ad ipsius dia­
metri perpendiculum perueniret. Implicat enim vnica la­
tione, aliquid simul rectà tendere, ac in transuersum, quem­
admodum se habet perpendiculum ad diametrum à qua pro­
pendit: At semidiameter circulum describendo, aliquando
peruenit ad suum perpendiculum, ita vt coincidat cum illo:
Ergo non vnica, sed duplici latione conuincitur ferri.

Sit enim circulus de­
scribendus ABCD, circa
centrum E. Sitque dia­
meter AC, semidiameter
vero circulum describens
AE. Si igitur ipsa recta
A E, altero eius extremo
manente in centro E, al­
tero vero nempè A, cir­
cumferatur, aliquando
absque dubio erit in ED,
quæ est perpendicularis
diametro AC. Per motum
autem naturalem ipsa AE, descendisset in FD, vel aliò rectè
translata fuisset. Non ergo linea circulum describens fertur,