Borelli, Giovanni Alfonso De motionibus naturalibus a gravitate pendentibus 1670

author index 544 / 579      search

536

Cap. 12. dę
vacui neces­
sitate.

SI quis verò recurrat ad porositates tabularum aere
repletas, vel per quas materia fluida penetran­
do præstò accurrere possit ad replendum vacuum cre­
atum in instanti; refelli potest ex eò quòd tabulæ non
vbique; & vniuersè perforatæ sunt, alias nullam den­
sitatem haberent, & proindè necessè est, vt habeant
aliqua interstitia solida non porosa, quæ necessariò
quanta erunt, inter quæ interstitia spatia relicta ina­
nia in instanti separationis, non possunt repleri, nisi
in tempore, quia fluidum accurrens motu locali suc­
cessiuo spatium quantum pertransire debet, ergo ne­
cessè est, vt saltem per aliquod tempus inane remaneat.

Et licèt aduersarij in gratis assumpta hypothesi per­
sistant dicendo, quod semper inter duo corpora se tan­
gentia fluidum intercedit, saltem admittere debent,
quod inter duas vitri portiones, quæ vnitæ, & vnum
continuum componere aiunt, antequam diffringantur,
scindanturque, neque aer, neque æther intercipiatur;
& in tali casu ratio superiùs adducta euincit in vitri
scissura vacuum admitti debere. postea capi non po­
test absque nouo corpore forinsecùs adueniente exi­
guam aeris particulam maius spatium occupare posse,
se vndique dilatando cum rarefit; & licet hoc interim
admittatur patet, quod prædicta ampliatio molis il­
lius corporis, quod rarefit, sine motu locali successiuò
fieri non possit, transferuntur enim eius partes ab
exiguo, & restricto loco ad ampliorem, ergo dilatatio
illa rarefactionis necessariò in tempore peragi, & ab­
solui debet, at illud spatium inane in instanti creatum