Baldi, Bernardino In mechanica Aristotelis problemata exercitationes 1621

author index 44 / 214      search

Sit igitur, vt su­
periùs, libra AB, cu­
ius centrum grauita­
tis C, fulcimentum,
verò sursum, in D li­
bræ quidem in C per­
pendiculariter con­
iunctum. Perpendi­
cularis verò quæ per
fulcimentum, & gra­
uitatis centrum trans­
iens ad mundi cen­
trum tendit DLE. stante igitur librâ in sua æqualitate, e­
rit centrum grauitatis C in ipsa perpendiculari infra qui­
dem fulcimentum D. Loco verò, mundi centro quàm
proximo. Pondus post hæc apponatur in B, Declinabit au­
tem pars CB, in HF, eleuatâ interim parte AC, in GH.
Mota igitur libra tota, circa fulcimentum D mouebitur
circa idem centrum, & grauitatis centrum C, describens
portionem circuli CH, fi etque; C in H, & quoniam H, hoc
est C, extra perpendicularem fit, amoto pondere, ex lan­
ce B, cuius pressione libra declinauerat, centrum grauita­
tis per eandem circulì portionem HC, ad perpendicula­
rem descendet, donec iterum in ea quiescat, quo casu li­
bra AB ad æquilibrium reuertetur: quod fuerat demon­
strandum.

His ita declaratis, ostendemus, (quod nullus ante
nos animaduertit) harum librarum, quæ fulcimentum
habent sursum, eam esse naturam, vt non à quouis ponde­
re apposito moueantur, vel penitus declinent.

Ijsdem enim stantibus, addatur quoduis pondus lan­
ci B; Itaque si tale fuerit quod superet resistentiam, quam