Borelli, Giovanni Alfonso De motionibus naturalibus a gravitate pendentibus 1670

author index 378 / 579      search

370

portio valdè expansa, & rara erit, & ideò (ex Prop.
105.) eius pondus, & vis compressiua minor erit nen­
pè centesima, & octuagesima pars ponderis aeris ex­
terni eiusdem molis: igitur illa non poterit supra a­
quæ libellam eleuare idem pondus arginis aquei quod
in aere aperto ab huius ingenti pondere suspendeba­
tur: cùmque hoc sit falsum, æquè enim argines aquei
in prædicto vacuo sublimantur, ac in aere aperto, igi­
tur non ab aere ibidem non existente, vel rarissimo
argines prædicti suspenduntur.

Cap. 8. cur
exiguæ aquæ
guttæ supra
libellam aquæ
ascendunt.

Cap. 8. cur
exiguæ aquæ
guttæ supra
libellam aquæ
ascendunt.

Alij postea recurrunt ad scabritiem, & asperitatem
parietis à qua impeditur descensus, suspendunturque
particulæ aqueæ; sed hoc minimè sufficere videtur,
nam ad summum dicta scabrities commoda esset, &
apta ad retinendam aquam postquam semèl eleuata
fuisset ad illam altitudinem, quatenùs ab asperitati­
bus, veluti vncinis impediretur defluxus aquæ deor­
sùm, at non possent aquam subleuare, cùm scabrities
vim motiuam non habeat; & sanè asperitates nedum
non adiuuarent, sed potiùs impedirent aquæ eleua­
tionem in prædictis arginibus duplici nomine, primò
quia eædem parietis scabrositates, quæ vim habent
prohibendi descensum aquæ, impediunt quoque eius
ascensum; præterea multò magis, & maiori vi ascen­
sus aquæ impediri deberet quàm eius descensus, quia
in ascensu aqua præter resistentiam asperitatis parie­
tis superare debet impedimentum, & reluctantiam
propriæ grauitatis, cum è contra in descensu ab hac
adiuuetur. igitur scabrities parietis non potest essę