Guevara, Giovanni di In Aristotelis mechanicas commentarii 1627

author index 33 / 303      search

Quæ nam descriptio quidditatiua huius facul­
tatis colligatur ex dictis, & quo pacto
ab alijs scientijs distinguatur.

ADDITIO QVINTA.

Qvæ dicta sunt recapitulantes, hanc huius facultatis de­
scriptionem colligere possumus ad explicandam to­
tam quidditatem ipsius. Mechanica facultas, est
practica scientia, quæ geometricis demonstrationibus nixa
versatur circa quantitatem ponderis grauium & leuium, vir­
tutisque qua artificiosè ac mirabiliter moueri debent, aut quie­
scere ad finem intentum ab Artifice. In qua descriptione
ponitur (practica scientia) loco generis, in quo conuenit cum
Philosophia morali, cum Logica, ac Medicina; per idemque
distinguitur à scientijs speculatiuis, quæ sane non ordinantur
ad praxim, & à seruilibus artibus, quæ nullam includunt ratio­
nem scientiæ, vt supra explicuimus. Per particulam verò
(geometricis demonstrationibus nixa) explicatur quædam
differentia, qua talis scientia conuenit quidem cum scientijs
Mathematicis subalternatis Geometriæ, vt Perspectiua, Geo­
desia, & Astronomia; distinguitur autem ab illis quæ vel
non subalternantur Geometriæ, vt Musica & Arithmetica,
vel nullo modo sunt Mathematicæ, vt Metaphysica, Philoso­
phia naturalis aut moralis, Medicina ac Logica. Denique
per cæteras particulas explicatur vltima differentia, ex pro­
prio obiecto ac fine desumpta, qua certè huiusmodi scientia
optimè distinguitur ab illis quæ non versantur circa quantita­
tem aliquam; tum ab illa contemplatione Logica, aut Me­
taphisica, quæ tantum versatur circa quantitatem prædica­
mentalem; item à Physica quæ circa quantitatem solum
versatur in quantum est affectio corporis naturalis, & in ordi­
ne ad principium motus & quietis naturalis. Rursus non
minus distinguitur, eadem differentia, à reliquis disciplinis
Mathematicis, nam licet conueniat cum illis in hoc quod est