Biancani, Giuseppe Aristotelis loca mathematica 1615

author index 327 / 355      search

QVINTVM SECVLVM INCIPIENS

In quo Socrates septuagenarius anno ab Vrbe cond. 353.
Olymp. 95. ann. 1. moruur.

DEMOCRITVS MILESIVS anno vno maior natu quàm
Socrates. scripsit de contactu circuli, & sphæræ. de Geometria.
de lineis irrationalibus. de solidis. de numeris geometricis. Har­
monica, siue de Musica. de concentu, & harmonia. Actinogra­
phiam, siue de radijs, siue de Perspectiua, siue de Scenographice. certamen
Clepsydræ. de Planetis, de anno magno. Cœli, tęrræque; descriptionem. Laert.

ANTISTHENES Socratis auditor de Musica commentatus est. Laer.

SIMMIAS Thebanus discipulus Socratis, de Musica. Laert. Suid.

PARMENIDES ELEATES primus dixit terram esse rotundam,
& in medio mundi sitam. Laert.

PROTAGORAS de Mathematicis scripsit. Laert.

EPICVRVS ille Epicureorum Sectarius, de Musica scripsit.

METON, & EVCTEMON ante Alex. Mag. obitum ann. 108. Athenis solsti­
tium obseruarunt. Methon primus tempestatum
prognostica singulis annis edidit. primus cyclum Enneadecaterida, vel Au­
reum numerum in Græcia instituit; qui annus Methonis dicitur.

PLATO, Socratis auditor, fuit maximè Mathematum studiosus; nam
singulis diebus auditorib. suis geometricum problema proponebat. Ageo­
metretos è schola arcebat. primus sectiones conicas, & cylindericas inchoa­
uit. Modum demonstrandi per Analysim inuenit, item modum agri dime­
tiendi pulcherrimum, vt apud Vitr. constat. Delij eum tanquam oraculum
consuluerunt de modo aræ, siue cubi duplicandi, quos tamen ipse ad Eucli­
dem Geometram modestè abire iussit: non tamen omnino à problemate ab­
stinuit, extat enim apud Eutocium Platonis modus inuendi duas medias pro­
portionales, quibus inuentis, cubi duplicatio peracta esset. in suis pręterea
Dialogis complura habet Mathematica, quæ olim Theon Smyrneus, ac Phi­
lippus Mendæus commentarijs illustrarunt. Proclus Lucr.

AMICLAS HERACLEOTES Platonis familiaris geometricas
inuentiones amplificauit.

LEODAMAS THASIVS à Platone Analysim didicit, cuius ope
multa geometrica excogitauit.

NEOCLIDES LEODAMANTE iunior, inter rerum geome­
tricarum repertores connumeratur. Proc.

LEON discipulus Neoclidis: Determinationem geometricam inuenit,
quæ distinguit problema possibile ab impossibili. Geometrica elementa,
secundus ab Hippocrate, sed accuratius construxit. Procl.