Borelli, Giovanni Alfonso De motionibus naturalibus a gravitate pendentibus 1670

author index 323 / 579      search

315

quales, & variæ esse debent, & ad diuersas plagas
tendentes, prout in spongiæ porositatibus supremis
infimis, & lateralibus aqua ingreditur; at quia se­
mel aqua commota necessariò impetum concipit, er­
gò necessè est, vt vis prædicti impetus impressi mini­
mè otiosa sit, proindèque percussiones inferat tùm
particulis solidis ipsius spongiæ, cùm etiam particu­
lis aquæ contiguæ, quare non poterit extingui om­
ninò prædicta agitatio, nisi post aliquod tempus, post­
quàm scilicèt ab impedimentis à glutine partium eius­
demmet aquæ illatis, impetus præconceptus extin­
guatur. Patet ergò, quòd agitatio aquæ, quæ in spon­
giæ madefactione contingit, non est propria ipsius a­
quæ, neque fluiditatem eius constituit, sed potiùs
est effectus dependens à vi grauitatis eiusdem fluidi,
quatenùs iuxtà naturæ institutum, & hydrostaticæ
leges insinuari debet intra spongiæ porositates, vel
inanes, vel à leuiori corpore aereo occupatas.

Cap 7. dę
natura flui­
ditatis.

PROP. CXLIX.

Commotio aquæ ad instar ebullitionis, quæ in pumicis ma­
defactione obseruatur, non est propria, & constitu­
tiua fluidatis eius, sed est effectus dependens à
pondere eiusdem fluidi.

IMmittatur postea intra aquam pumex loco spon­
giæ, cuius porositates aere refertæ sunt, tunc aqua
vtpotè grauior aere intra prædictas porositates con­
tento sensim in pumicis exterioribus foraminibus in-