Borelli, Giovanni Alfonso De motionibus naturalibus a gravitate pendentibus 1670
author indexprevious page297 / 579next page
 show/hide xml  show page   search

289

Cap. 7. dę
natura flui­
ditatis.

PROP. CXXXVI.

Partes quantæ actu infinitæ numero, & inter se inæquales
componunt extensionem infinitam.

SInt partes AB, CD, EF, GH, IK, &c. numero in­
finitæ, & inter se inæquales. Dico extensionem
infinitam conflare. Quia dantur omnes partes quan­
tæ numero infinitæ, ergò datur earum minima, quæ
sit AB, & ex reliquis maioribus secentur portiones
CL, EM, GN, &c. singulæ æquales minimæ AB; &
quia particulæ infinitæ inæquales
figure
AB, CD, EF, &c. maiorem exten­
sionem componunt, quàm partes in­
finitæ diminutæ, inter se æquales
AB, CL, EM, &c. &, ex præcedenti,
infinitæ particulæ quantæ eiusdem generis AB, CL,
EM, &c. inter se æquales componunt extensionem̨
infinitam, ergò multò magis insi initæ partes illis ma­
iores inæquales AB, CD, EF, &c. extensionem infi­
nitam efficient, quod erat.

PROP. CXXXVII.

Si eiusdem aggregati aliquæ partes moueantur cæteris quie­
scentibus, vel omnes inæqualibus motibus agitentur,
qui tamen non competant, nec aptari possint
partibus corporis duri, & consistentis, ne­
cessariò illius aggregati partes erunt
actu diuisæ.