Borelli, Giovanni Alfonso De motionibus naturalibus a gravitate pendentibus 1670
author indexprevious page296 / 579next page
 show/hide xml  show page   search

288

hæc illam metitur, vel non; & primò ponamus RS ab
A mensurari, habebit ergo RS ad A eamdem propor­
tionem, quam aliquis numerus finitus ad vnitatem,
& ideò in infinita multitudine partium A, B, C, &c.
sumi potest multitudo partium, quæ maior sit numero
partium ipsius RS, & prædicta maior multitudo par­
tium efficiat extensionem X proculdubio X maior erit
ipsa RS, at aggregatum ex infinitis particulis A, B, C,
&c. maiorem extensionem creat quam prædicta mul­
titudo finita X, ergo multò magis aggregatum ex in­
finitis particulis maiorem extensionem efficit, quàm
habeat RS, illa verò extensio quæ maior est quacunque
quantitate finita, necessariò infinita erit, ergo aggre­
gatum ex particulis quantis numerò infinitis inter se
æqualibus efficit extensionem infinitam.

Cap. 7. dę
natura flui­
ditatis.

Secundò sint A, & RS inter
figure
se incommensurabilia, patet ipsi
RS addi posse portionem aliæ­
quam SV ita vt RV multiplex
sit ipsius A, & tunc aggregatum
ex infinitis particulis æqualibus
A, B, C, &c. maiorem extensionem efficiet quàm
RV, vt mox ostensum fuit, & ideò multò maiorem
extensionem, quàm RS, creabit, proptereaque infi­
nitam esse concludemus.
figure