Borro, Girolamo De motu gravium et levium 1575

author index 252 / 316      search

Simplicius libro quarto de cælo particula trigesima dixit
vtrumque corpus esse continuum, ideo partem a parte sustine,
ri, & propter eam causam pondus non sentiri, vt animalia in
parietum foraminibus latitantia, à parietum graui pondere
non præmuntur, quia vndique murus semetipsum sustentat,
quæ an vera sint alibi disputauimus, ea quæ nos attulimus, ve
rissima esse arbitramur, ideo Simplicium prudentes præteri­
mus, & à parte Auerrois stamus, à quo hanc nostram senten
tiam mutuati sumus. Est ergo aer, & aqua tum grauis, tum
leuis in suo loco naturali non propriè, sed quia vtrumque cor­
pus tum graue, tum leue, tum sursum, tum deorsum portat,
& vtriusque motum iuuat, siue natura, siue violentia fiant.

Reditus ad exemplum vtris illius, de quo supra
capite sexto diximus. Cap. XII.

EAM ob rem vter inflatus (vt ad illum reuertamur, à
quo disceptatio nostra sensim effulxit) maioris ponde­
ris esse solet vtre non inflato, quod aer in vtre inflato in­
clusus sit grauis, id est vtris grauis motum deorsum iuuet, &
inflatum vtrem deorsum celerius portet, quam si non esset in­
flatus; & eiusdem motum citatiorem efficiat, non alia de causa,
quam ea sit, quam hactenus accepistis. Plumbum etiam quod
ferro rarius est, ferro est grauius in aere propter aeris par­
tes, quæ plures in raro plumbo, quam indenso ferro continen­
tur: qua de re Aristoteles agit libro quarto Physicorum par
ticula octuagesimaquarta, & octuagesimaquinta, hæc ad ma
teriam.

Ad formam argumenti supra adducti cum ex tertio cæ­
li particula vigesimaoctaua, & ex quarto cæli particula tri-