| Casati, Paolo Mechanica 1684 |
|
225
MECHANICORUMLIBER TERTIUS.
De Libra.
EXPLICATIS superiore Libro Causis motûs Ma
chinalis, ordinis ratio postularet, ut ad ipsas Ma
chinas, seu, ut ab Antiquioribus apud Pappum
lib.8. Collect. Mathem. prop.10. vocantur, Facul
tates, ad quas Machinamenta ab artificibus exco
gitata reducuntur, aut ex quibus hæc componuntur, exami
nandas & explicandas progrederemur: Et fortè alicui videatur
ab instituto nostro alienum libram hîc considerare, quippe quæ
non ad motum oneribus conciliandum inventa est, ideóque
nec inter Facultates enumeratur, sed usum omnem habet in
motu prohibendo, ubi factum fuerit ponderibus æquilibrium.
Nec eo quidem consilio libræ momenta hic expendo, ut indè
Vectis rationes explicentur (quemadmodum non paucis placet)
non enim Vectis vires ad libræ Rationes revocandas existimo,
cum sua cuique Facultati causa insit, communis illa quidem,
sed quæ perinde in Vecte reperitur, atque si nulla prorsus
existeret libra. Verùm eatenus libram Mechanicæ contem
plationi inserendam censeo, quatenus non minoris artis est ea,
quæ in motum prona sunt, cohibere & sistere, quàm onera
quiescentia per vim suo loco dimovere: Cum maximè ad libram
pertineat Statera, in qua modicum pondus multò majori pon
deri æquipollet, æquatis in dispari gravitate gravitationum
search