| author index |  | 238 / 586 |  |   search |
| Agricola, Georgius De re metallica 1556 | ||||||
|
228
in corbem coniectæ lauantur in uase aquarum ferè pleno. Cribrum plerunque
latum est cubitum, altum semipedem: eius fundum tantula habet foramina
ut per ea glareæ eruo non maiores decidant. Filis uerò ferreis rectis et trans
uersis, quæ ubi se contingunt clauiculæ ferreæ complectuntur, contextum
circulo ferreo, duobusque bacillis transuersis item ferreis innititur: reliquam
cribri partem, è tabulis in uasis figuram formatam, duo circuli ferrei cingunt:
ueruntamen nonnulli id ipsum colurnis aut quernis circulis uinciunt: sed
tunc tribus. Habet autem utrinque ansam: quas materiam metallicam lauatu
rus manibus tenet: in hoc cribrum adolescens res lauandas conijcit: mulier
ipsum uicissim ad dextram & sinistram uersans succutit: quo modo terras,
arenas, glareas minores transmittit: maiores in eo remanent: quæ eiectæ &
coaceruatæ subijciuntur pilis. Limus uerò cum arenis, sabulo, glareis aqua
exant lata ex uase batillo ferreo eijcitur: & in canali, de quo paulò post di
cam, lauatur.
Cribrum A. Eius ansæ B. Vas C. Fundum cribri filis ferreis contextum D.
Circulus E. Bacilla F. Circuli G. Mulier uersat cribrum H.
Adolescens ei suppeditat materiam lauandam I. Vir batillo
materiam, quam cribrum transmisit, ex uase eijcit. K.
Sed Bohemi utuntur corbe uiminibus contexta, sesquipedem lata, semi