Descartes, René Principia philosophiae 1644

author index 188 / 345      search

186
in parte à Sole praeterpropter aversà videri adeò ut
si Terra stet in lineâ rectà inter Cometam & Solem,
crines in omnes partes dispersi circa illum appareant.
Et Cometa anni 1475, cùm primùm visus est, comam
praeferebat; in fine autem suae apparitionis, quia in
oppositâ coeli regione versabatur, comam post se tra­
hebat. Haec etiam coma longèior est vel brevior: tum
ratione magnitudinis Cometae, in minoribus enim
nulla apparet, nec etiam in magnis, cùm à nostro
aspectu recedentes perexigui esse videntur; tum etiam
ratione loci, caeteris enim paribus, quò terra remo­
tior est à lineà rectâ, quae duci potest à Cometâ ad
Solem, eò ipsius coma longèior est; & interdum latente
Cometâ sub radiis Solis, ejus comae extremitas instar
trabis igneae sola conspicitur. Ac denique coma ista
interdum paullò latior est, interdum angustior; inter­
dum recta, interdum curva; & interdum à Sole dire­
ctè aversa, interdum non ita praecisè.

CXXXIII.
De Cometarum comâ,
&svariis ejus phaeno­
menis.

30

5

10

15

Quorum omnium rationes ut intelligantur, novum
quoddam genus refractionis, de quo in Dioptricâ non
actum est, quia in corporibus terrestribus non nota­
tur, hîc est considerandum. Nempe, ex eo quòd glo­
buli coelestes non sint omnes inter se aequales, sed
paullatim minuantur à certo termino, intra quem
continetur sphaera Saturni, usque ad Solem, sequitur
radios luminis, qui per majores ex istis globulis com­
municantur, cùm ad minores deveniunt, non modò
secundùm lineas rectas progredi debere, sed etiam ex
parte ad latera refringi & dispergi.

CXXXIV.
De quâdam, refractio­
ne, à quâ ista coma
dependet.

20

25

Consideremus, exempli caussâ, hanc figuram, in quâ
multis globulis perexiguis incumbunt alii multò ma-