Baldi, Bernardino In mechanica Aristotelis problemata exercitationes 1621

author index 118 / 214      search

ma figura, facta ex contrario, nempe in in feriori parte cir­
ca C rarefactione, in superiori verò condensatione, pon­
dere præualente curuabitur, fietque; lignum quidue aliud
huiusmodi, vt ADB, nec amplius pondere suapte naturâ
inferiùs vergente ad rectitudinem reuertetur.

Cæterùm cur oblonga & graciliora corpora facilius
illis, quæ contrario se habent modo, frangantur, ex me­
chanicis principijs in quæstione 14. apertè demonstraui­
mus. Modò vt ex hac contemplatione, quæ aliàs inutilis
videtur, aliquam vtilitatem capiamus, & ex his quæ con­
templabimur, Architecti prudentiores fiant, isthæc ipsa,
de quibus agimus, ad rem ædificatoriam commodè apta­
bimus. Transferamus igitur cogitationem ad eam trabium
compagem, quæ ad tecta sustinenda ex transuersario ar­
rectarioque; sit, & duobus cauterijs, quam nostri à Latinis
detorto vocabulo Biscauterium dicunt. Perscrutabimur
enim, vnde illi tanta ad sustinendum vis, & quæ compa­
gem hanc consequantur passiones. quamuis enim fabri
meræ praxi, quod vtile est efficiant, nos meliorum inge­
niorum gratiâ, rei ipsius caussas diligenter examinatas in
medium proferemus; nec de hac re tantùm agemus, sed
de Cameris quoque, fornicibus eorumqueue vitijs & virtu­
tibus quatenus ad Mechanicum pertinet, sermonem ha­
bebimus. Quærimus primo, cur perpendiculariter erectae
trabes superimposita pondera validissime sustineant? Et
sane hoc omnes norunt, sed non per caussas.

Esto horizontis planum, illudqueue solidissimum, &
impenetrabile AB, trabs eidem ad perpendiculum erecta
CD fulta basi vbi C grauitatis centrum F. pondus super­
impositum FG, cuius grauitatis centrum H: Sint autem
H & E in eadem perpendiculari, quæ ad mundi centrum
HEC. Itaque eo quod tum penderis tum trabis centra
grauitent in perpendiculari, illa verò fulciatur in C, to-