Varro, Michel De motu tractatus 1584

author index 33 / 54      search

Primùm enim ex doctrina secundi lemmatis, quod
inferiùs demonstrabitur, sciam proportionem pro­
ximè maiorem, quàm sit A ad B proportio. Deinde
ex doctrina primi lemmatis ita connectam A & B,
vt quando ambo mouebuntur, nunc sit ratio motus
quo B mouebitur ad motum quo A mouebitur, quàm
sit A ad B. His peractis sequitur vim A pondus B mo­
turam ex secundo superiùs demonstrato theorema­
te. Quod erat propositum.

LEMMA I.

Duas vires ita connectere, vt si moueantur, earum
motus, in data ratione alter ad alterum se habeant
vires contrariæ, aut medio aliquo, aut per se absque
vllo medio committuntur. Si absque medio com­
mittant, eodem motu mouebuntur, maior enim mi
norem eodem motu, quo ipsa moueri poterit, mo­
uebit: aut æquilibrium facient, si æquales sint: vt si le­
ue graui committatur, siquidem leuitas grauitate
maior sit, attolletur graue: sin verò grauitas maior
sit, leue deprimetur: si æqualia sint, non mouebun­
tur.

Si verò medio aliquo connectantur mediorum
varia sunt genera. Aut enim medium est flexibile &
ὁμοιομερὲς, vt funis, catena, &c. aut est inflexibile, il­
lúdque aut rectum, aut curuum, vt recta linea vel
curua vel angulus. Atque hæc omnia aut continua