Varro, Michel De motu tractatus 1584

author index 29 / 54      search

21
maior, minor aut æqualis dicitur: & quo minori tem­
pore idem spatium absoluitur, eo maior est, vel quo
maius spatium eodem tempore.

Vt igitur motus magnus dicatur, perinde est si
paruo tempore fiat, aut magno spatio.

Quod autem maiorem motum ciere potest illud,
vis maior dicitur, quòd minorem minor.

Vis autem seu mouendi potentia in eodem sub­
iecto certa & finita est. Quęlibet enim res vi natura­
li prędita, si à loco naturali absit, suóque arbitrio con­
mittatur, certo tempore eò redit. Est enim certum
in rerum natura quanto tempore libræ vnius pondus
deorsum sponte sua delatum, miliare vnum aut duo
conficiat pro ratione materię, vel quantum spatij v­
na vel duabus horis percurrat. Id verò quantum sit,
hominum industria nondum quod sciam explora­
tum est: aliâs autem id demonstrare conabimur.

Mouendi verò potentia in alieno subiecto infi­
nita est, hoc est, in infinitum augeri vel minui potest,
quoniam in finita auctione & diminutione est resi­
stentia: tanta enim est, quanta est in eodem subiecto
vis: quantúsque motus illius est vis alterius respectu.
Quo igitur vis quæ alienum subiectum mouere ni­
titur, illud magis mouere nitetur, eo minùs illud
mouere poterit, maior enim erit illius resistentia.
Quemadmodum enim quod magis nutu suo mo­