Varro, Michel De motu tractatus 1584

author index 18 / 54      search

10
crescens scilicet & decrescens, ídque vel continuè,
vel per interualla, ordinatim vel ἀτακτῶς.

Crescens dicitur, quando partium posteriorum
ipsius maior est celeritas, quàm priorum: decrescens,
quando minor.

Continuè, quando nulla pars illius vel minima
alteri parti est æqualis seu sibi ipsi æquabilis.

Per interualla verò, quando partes quidem illius
sibi ipsis æquabiles sunt, aliæ verò aliis comparatæ
inæquabiles.

Ordinatim, quando incrementum aut decremen­
tum illud certa aliqua proportionis progressione
fit, vt si in motu continuè crescente, diuiso toto mo
tus spatio in aliquot partes æquales eadem sit ratio
celeritatis, finis primi spatij ad celeritatem finis se­
cundi, quæ finis secundi ad finem tertij, & sic dein­
ceps: vel si finis secundi spatij duplo citiùs feratur,
quàm finis primi & finis tertij, triplo quàm primi:
finis verò quarti quadruplo, & sic deinceps. Idem si
in quauis alia proportionis progressione illarum
partium celeritas, aliarum ad alias se habeat. In mo­
tu verò per interualla crescente augmentum illud or­
dinatim fieri dicetur, si interuallorum proportio a­
liquem progressionis ordinem seruet: puta si primum
interuallum duplo tardiùs secundo moueatur, triplo
verò tardiùs tertio, &c.