Schott, Gaspar Mechanica Hydraulicopneumatica 1657
author indexprevious page200 / 203next page
 show/hide xml  show page   search  

169
solubile.) Dico, I esse foramen quæsitum. Quoniam enim
aqua C ad aquam G, est ut E ad H; & aqua G ad aquam
I, est ut H ad F, ex constructione & operatione facta; erit
ex æquo etiam aqua C ad aquam I, ut E ad F, per vige­
simam secundam Quinti Euclidis.

CAPUT VI.

De Aëris gravitate, rarefactione, &
condensatione.

QUoniam in Pneumaticis ac Hydropneumaticis Ma­
chinis magni refert, aëris naturalis pondus seu gra­
vitatem, rarefactique ac condensati quantitatem ae
vires cognoscere; de ijs nonnihil parergi loco ad­
dendum hîc censui. Sit itaque

Propositio I.

Aëris gravitatem invenire.

TAmetsi aêr levis sit inter reliqua elementa, suaque levitate

sursum tendat, ut sit supra terram & aquam; admixtum
tamen habet aliquid gravitatis. Patet ex eo, quòd folles lu­
sorij aëre addensato bene inflati, ut & vesicæ inflatæ, plùs pon­
derent, quàm flaccidi, ut exquisita trutina aut libra deprehen­
di potest. P. Joannes Baptista Ricciolus Tomo 1. Almgesti
Novi lib. 2. cap. 5. num. 4. ait expendisse se vesicam bovinam
quæ flaccida erat scrupulorum 4, & granorum 4, & deprehen­
disse inflatam fuisse scrupulorum 4, & granorum 6. Quare
aër additus per inflationem, appendebat grana 2. Marinus
Mersennus in Phænomenis suis Proposit. XXIX. asserit, se Geo­
metris præsentibus & adjuvantibus, ponderasse bilance Æo­
lopilam æneam (qualem describimus infrà Parte 2. Classe 1. cap. 3.
Machina 6.) satis calefactam, & propemodum candentem,