Newton, Isaac Philosophia naturalis principia mathematica 1713
author indexprevious page360 / 523next page
 show/hide xml  show page   search

332
eoque pacto rarius semper evadens e regione intervallorum ac
densius e regione pulsuum, participabit eorundem motum. Et
quoniam pulsuum progressivus motus oritur a perpetua relaxa­
tione partium densiorum versus antecedentia intervalla rariora;
& pulsus eadem fere celeritate sese in Medii partes quiescentes
KL, NOhinc inde relaxare debent; pulsus illi eadem fere cele­
ritate sese dilatabunt undiQ.E.I. spatia immota KL, NO,qua
propagantur directe a centro A; adeoque spatium totum KLON
occupabunt. Q.E.D.Hoc experimur in Sonis, qui vel monte
interposito audiuntur, vel in cubiculum per fenestram admissi sese
in omnes cubiculi partes dilatant, inque angulis omnibus audiun­
tur, non tam reflexi a parietibus oppositis, quam a fenestra directe
propagati, quantum ex sensu judicare licet.

DE MOTU
CORPORUMfigure

Cas.3. Ponamus denique quod motus cujuscunque generis
propagetur ab Aper foramen BC: & quoniam propagatio ista
non fit, nisi quatenus partes Medii centro Apropiores urgent
commoventque partes ulteriores; & partes quæ urgentur fluidæ
sunt, ideoque recedunt quaquaversum in regiones ubi minus pre-