Monantheuil, Henri de Aristotelis Mechanica 1599

author index 62 / 252      search

22
tur ad circulum, sequenti etiam capite, quod erat proximum, libræ
motiones explicat.

ἔτι δὲ
διὰ τὸ μιᾶς οὔσης τῆς ἐκ τοῦ κέντρου γραμμῆς μηθὲν ἕτερον
ἑτέρῳ φέρεσθαι τῶν σημείων τῶν ἐν αὐτῇ ἰσοταχῶς, ἀλλ' ἀεὶ
τὸ τοῦ μένοντος πέρατος πορρώτερον ὂν θᾶττον, πολλὰ τῶν θαυμαζομένων
συμβαίνει περὶ τὰς κινήσεις τῶν κύκλων, περὶ
ὧν ἐν τοῖς ἑπομένοις προβλήμασιν ἔσται δῆλον.

Præterea etiam, quod,
cum vna sit ea linea, quæ
ex centro, nullum eorum,
quæ in ea sunt, punctorum,
æquè celeriter fertur: sed
hoc, quod longius est ab
extremo eius immobili,
semper celerius: miranda
multa circa motiones cir­
culi contingunt, vt in se­
quentibus problematis fiet
manifestum.

COMMENTARIVS.

Præterea etiam.] Quarta repugnantia est in circulo ex inæ­
qualitate motuum in eiusdem lineæ circulum describentis diuer­
sis punctis. Inæqualiter enim moueri dicuntur, & quæ eodem tem­
pore diuersa permeant spatia, & quæ in æqualibus temporibus idem:
atque hoc celerius, quod eodem tempore maius spatium permeat, vel
breuiori tempore idem: Tardius contra. Punctorum autem, quæ in­
sunt in vna eademque linea circulum describente, illud quod remo­
tius est à centro, maius spatium conficit: quam quod propinquius, li­
cet vtraque eodem tempore suum perficiant. Linea enim circulum
describens, quo tempore punctis centro propinquis redijt ad locum,
vnde ijsdem moueri cœperat, eodem remotis redit. Spatium autem
illud est peripheria, quæ ab vnoquoque eorum quæ sunt in semidia­
metro punctorum, describitur, si quodlibet punctorum in motu lineæ
intelligatur sui, vt puncti, vestigium relinquere, vt in eo quod circu­
lum vndiquaque comprehendit. Peripheriam autem remotioris pun­
cti à centro, id est semidiametri maioris esse maiorem peripheria pun­
cti centro propinquioris, id est semidiametri minoris, sic demonstra­
bimus.