Marci von Kronland, Johannes Marcus De proportione motus figurarum rectilinearum et circuli quadratura ex motu 1648
author indexprevious page113 / 145next page
 show/hide xml  show page   search


quoque inferunt plagam. Non igitur huius ratione videtur
differre motus; verùm acceleratio ad partes summas ad ve­
ctem referri debet. Atque inde sequitur, cylindrum ab æqua­
li cylindro percussum inæqualiter moveri. Et cùm orbiculus
ad alium sibi æqualem, eo modo habeat, quo cylindrus; ne­
cesse illâ successione orbiculorum in plano motum deficere.
Vtergo cylindrus æqualiter moveatur ab alio cylindro; inæ­
qualis esse debet plaga: & tanto maior propè basim, quanto
in summo augetur ratio vectis.

THEOREMA VII.

Si duo orbiculi simul iuncti & æquales percutiant alios duos, simul
quo〈que〉 iunctos & prioribus æquales, habeant verò à tergo orbiculum ma­
iorem; immotâ basi primâ, movetur basi, secunda.

Cùm duo orbiculi æquales simuliuncti percutiunt alios du­
os simul quoque iunctos & æquales: licet inæqualem afferant
plagam; quia tamen uterque orbiculus ex illâ inæquali plagâ se
abducit; quisque suo orbiculo expulso à motu conquiescit.
At cùm alius orbiculus maior accedit: in quem impetus se ex­
onerat illorum orbiculorum: quia inæqualem atque minorem
á basi recipit plagam; per theor: 2. huius, reflexo altero orbi­
culo movebitur basis. Cùm igitur hæc basis secunda à pla­
gâ se abducat; quiescet à percussione basis prima. Constat
verò illo orbiculo reflexo, reflecti quoque orbiculum priorem
huic contiguum.

THEOREMA VIII.

Si basim cylindri orbiculati percutiat alius orbiculus æqualis; habe-