Gassendi, Pierre De motu impresso a motore translato epistulae duae 1642

author index 80 / 158      search

73
mam basim; vis opposita sic retundet, vt cùm in
primo momento septem fuerint, in secundo sint tan­
tùm quinque, in tertio tantùm tres, in primo tan­
tùm vnus. Memorià autem tenendum est, loqui nos
semper tantùm de eo, quod est perpendiculare in
motu; cùm id quidem, quod est horizontale, esse
ex se æquabile, aliquoties iam inculcatum sit. Præ­
tereò seruari eandem proportionem, si graue decidat
non ad perpendiculum, sed supra planum horizonti
obliquum; nam segniùs id quidem pro ratione obli­
quitatis, sed facto nihilominùs eadem ratione incre­
mento, vt experiri licet globulis demissis per tubulos
vitreos, cuiusmodi confici plureis in hunc vsum cura­
uimus. Prætereo eandem quoque seruari circa nu­
merum vibrationum, siue excursuum, recursuúmque
vt diximus, rerum pensilium, quatenus chordatum,
quibus appenduntur, longitudines sunt vt quadra­
ta vibrationum: adeò vt, si ex quatuor chordis prima
sit vnius pedis, secunda quatuor, tertia nouem, quar­
ta sexdecim, quo tempore quartum pensile peraget
vnam vibrationem, tertium peragat duas, secundum
treis, & primum quatuor. Prætercò tandem exinde
esse, vnde tam Galileus, quàm Mersennus noster, &
alij definiant quanto tempore lapis casurus in cen­
trum vsque (si perforatam Terram concedas) ex super­
ficie fuerit, quanto ex Luna, quanto ex Sole, quanto
ex sideribus fixis. Supponunt quippe eandem acce­
lerationis proportionem seruari; tametsi ex eo ca­
pite non videatur eadem futura; quòd eadem vbique
impellens, attrahensque vis futura non sit.