| author index |  | 161 / 248 |  |   search |
| Fabri, Honoré Dialogi physici in quibus de motu terrae disputatur 1665 | ||||||
|
In quo, de libratis suspensisque liquoribus
& Mercurio disputatur.
AMOENISSIMVM argumentum, quod tibi fortè
arrideat, Princeps Eminentissime hodierna die discutien
dum suscepi, vtinam feliciter, quod tuis auspiciis futurum
spero, demonstrandum. Antiquis omnino intactum fuit,
& paucis ex recentioribus compertum experimentum;
primùm casu innotuit; at deinde studio & arte, vltra
promotum & perfectum; in varias porrò partes itum est, ad illius causam
explorandam, quod vtrùm cuipiam pro votis successerit, vix definine au
sim; sed vt meliùs dissertatione pareat, huic demus initium rejectis mutili
bus præludiis, quæ & ad rem de qua agitur, parum aut nihil conferunt, &
tibi Cardinalis Eminentissime alioquin occupatissimo, nihil aliud nisi me
rum tædium afferrent.
Antim. Parasti, vt video, dulcissime Augustine, totam illam supelle
ctilem, quæ ad ea, de quibus disputare instituimus, experimenta pertinent;
video limpidissimam in vase aquam admotosque canaliculos vitreos vtrim
que pervios; video Mercurium in vase & longiorem fistulam vitream al
tera parte clausam; accipio vnum ex istis canaliculis, in superficiem aquæ
immergo, humor statim per canaliculum assurgit, ad digitalem ferè altitu
dinem, vt vides.
Augustin. Video quidem, sed miror magis; canaliculum inclino, altiùs
humor ascendit; & quod fortè mirabilius est, breviorem canaliculum aquæ
admoveo, ad tantam altitudinem minimè ascendit; longiorem adhibeo
ejusdem omnino basis, altiùs humor ascendit; alterum orificium admo
to pressè digito, claudo, non assurgit humor; digitum amoveo, illicò
assurgit.
Chrysocom. Dicerem, ab illo impetu aquam attolli, quo canaliculus
aquæ admovetur; sed admoto canaliculo, cujus supremum orifi
cium digito clauditur, & jam eo quiescente, cùm nullus impetus
restet, amoto digito, humor illico assurgit; vnde necessario sequi
tur, minimè assurgere, propter impetum appulsus canaliculi: aliquis
fortè diceret, nonnihil rarefactionis accedere; sed hoc totum inutile est;
cur enim aqua intra canaliculum potiùs raresceret, quàm intra vas ipsum?
deinde æquè frigida ac calida assurgit; item æquè vinum ac oleum, saltem.
vt audio.