Delfino, Federico De fluxu et refluxu aquae maris 1559

author index 28 / 75      search

noctis: non enim semper eadem hora diei fiunt sicut manife­
stum est obseruantibus huiusmodi fluxum, & refluxum, seu
crementum, & decrementum, & quietem falsam aquæ maris.
Ex dictis apparet, quòd aqua maris habet motum accessio­
nis, seu crementi in die semel, & in nocte semel.

Similiter apparet, quòd aqua maris habet motum recessionis,
seu decrementi in die semel, & in nocte semel.

Apparet etiam quòd accessio, seu crementum aquæ maris non
incipit eadem hora diei, uel noctis semper, sed diuersis horis,
& similiter recessio, seu decrementum.

Et etiam tempus, in quo tam accessio, seu crementum, quàm
recessio, seu decrementum aquæ maris inordinate procedit,
quando scilicet luna est in quadraturis eius cum sole prima, sci
licet uel secunda.

Fiunt aliquando maximi aquarum cursus, aliquando minimi,
& aliquando medio modo se habentes, seu mediocres, quan­
do scilicet luna fuerit in omni alio loco à sole, præter hæc qua­
tuor, uidelicet in coniunctione, uel oppositione, aut quadra­
tura eius prima, aut secunda cum sole.

Fiunt aliquando maxima crementa aquarum, aliquando mi­
nima, & aliquando medio modo se habentia.

Fiunt similiter aliquando maxima decrementa aquarum, ali­
quando minima, & aliquando medio modo se habentia.

Incrementa, seu argumentationes aquarum fiunt aliquando
maiora, aliquando minora.

Maximi cursus, seu motus aquarum fiunt luna coniuncta soli,
& maxima crementa, & decrementa.

Maximi cursus, seu motus aquarum similiter fiunt luna oppo­
sita soli, & maxima crementa, & decrementa, & maiora quàm
tempore coniunctionis luna cum sole: corpora enim superio­
ra infundunt uir tutes suas in istis inferioribus per motum eo­
rum, & lumen: quanto enim plus habent de lumine, tanto
plus, & fortius operantur: & quia in oppositione lunæ cum
sole, luna est plena lumine, & lumen eius est uersus nos, ideo
rationabile est, ut causentur maiora crementa, & decrementa