Delfino, Federico De fluxu et refluxu aquae maris 1559

author index 11 / 75      search

2
medium noctis in quarta nocturna fluxus) distans ab occasu
per 45 gradus, & à medio noctis similiter. fortia pro refluxu
sunt punctum medium inter meridiem, & occasum in quarta
diurna refluxus, distans à meridie per 45 gradus, & ab occa
su similiter: & punctum medium inter medium noctis, & or­
tum, in quarta nocturni refluxus, distans à medio noctis per
45 gradus, & ab ortu similiter: & sicut puncta debilia distant
adinuicem per quartam cæli; ita ista fortia distant adinuicem
per quartam cæli, habentibus orizontem rectum.

Sciendum est etiam tertio, quòd, præter ista octo puncta di­
cta, habentibus orizontem rectum, sunt multa alia puncta æ­
quipotentia, seu æqualis uirtutis: & talia puncta sunt omnia
puncta cæli æqualiter distantia, & quatuor punctis principali­
bus cæli, quæ puncta principalia cæli sunt puncta orientis, pun
ctum occidentis, punctum meridiei, & punctum mediæ no­
ctis, uel à quatuor punctis fortibus cæli, quod est idem: in
quartis tamen contrariæ operationis. sunt enim omnia talia
puncta æqualis uirtutis, seu æquipotentia in mouendo aquam
maris: in orizonte autem obliquo aliter est, ut infra uidebitur.

Sciendum est quarto, quòd sol, & luna omni mense sunt si­
mul in eodem signo, gradu, & minuto; & iste situs appella­
tur coniunctio lunæ cum sole. inde ad octo dies, uel circa lu­
na est elongata à sole per motum eius proprium per quartam
partem cæli: & hæc elongatio appellatur quadratura prima
lunæ cum sole. inde ad 14 dies, uel circa, est elongata à sole,
per aliam quartam partem cæli, & sic per medietatem cæli. &
hæc distantia appellatur oppositio lunæ cum sole, seu plenilu
nium. inde ad 21 dies, uel circa, est elongata ab oppositione
eius cum sole, seu plenilunio, per aliam quartam partem cæ­
li, accedens ad ipsam solem. & hæc distantia appellatur qua­
dratura secunda lunæ cum sole. & tunc luna distat à sole per
quartam partem cæli, sicut distabat in quadratura prima.
accedit ad coniunctionem eius cum sole. inde ad 20 dies, uel
circa luna est iterum cum sole, & ei coniuncta, sicut pri­
mo fuit.