Ceva, Giovanni Geometria motus 1692

author index 98 / 112      search

Nouum genus Balistæ
Explicatio.

Tab. 9.

IN hac figura exprimitur nouum genus Bali­
stæ, quæ machina præsertim in mole maio­
ri, non parum vtilitatis afferre potest rei mi­
litari ad eiaculanda missilia, vt demonstra­
bitur. Ex eius verò partibus, quas subinde
recenseo, etiam modus structuræ apparebit.

AM, MX sunt brachia. Punctum M centrum machi­
næ. Per cauitatem M transit telum emissum. Infra M in­
seritur manubrium, vt in balistis vulgaribus. Extremis
capitibus A, N adnectitur funis. Puncta A, E, F, G, I, K
sunt in linea recta. Interualla AE, EF, FG, GI, IK sunt (li­
cèt non necessariò) æqualia. Altitudinis, seu commissuræ
KL, IH, GD, FC, EB sunt perpendiculares rectæ occultæ
KA. Singulæ autem, dum curuatur arcus, aperiuntur cer­
ca centra K, I, G, F, E. Hinc sequitur vt funis ex medio
dum attrahitur in O, aperiantur prædictæ commissuræ, seu
nodi, & curuentur vtraque brachia, vt in eorum altero ap­
paret punctis notato. Quilibet ex his nodis arctissimè strin­
gitur supernè, a suo elaterio, vt videre est in L, H, D, C, B.
Elateria autem quò propinquiora centro M tanto maiora,
& crassiora debent esse remotioribus: Hinc fit vt, propter
molem opportunè auctam, æquè facilè aperiantur, ac cæ­
tera; & vice versa, propter crassitiem maiorem, sibi relicta
validiùs restringantur. Cuius rei paulo infra rationem
dabimus.

His positis facile est ostendere, quantum præstet hu­
iuscemodi machina vulgaribus & communibus balistis.

Primùm, in Triangulo ALK cùm altitudines EB, FC,
GD, IH, KL sint perpendiculares, ideoque parallelæ, hinc