Ceva, Giovanni Geometria motus 1692

author index 9 / 112      search

AX. II.

SPatium iuxta imaginem velocitatum quamcunque
exactum, vel iuxta æquatricem imaginis est maius eo
spatio, quod curreretur eodem tempore minima eiusdem
imaginis velocitate; sed minus eo, quod velocitate ma­
xima.

AX. III.

TEmpus, quo curritur spatium iuxta quamlibet tem­
poris imaginem, maius est eo, quo idem spatium
curreretur maxima velocitate, sed contra minus eo altero,
quo ipsum spatium minima velocitate exigeretur, earum
videlicet, quæ sunt in genesi, aut imagine velocitatum pro­
positi motus, cuius nempe illa est imago temporis. Fit er­
go, vt tempus æquale ei, quo illud ipsum spatium currere­
tur iuxta propositam imaginem, sit inter vtrumque dicto­
rum temporum maximi, & minimi.

AX. IV.

QVæcunque excogitetur figura plana, vel est paralle­
logrammum, vel acuminata figura, aut ex his com­
positum. Has tamen figuras inter binas volu­
mus parallelas, ita vt vnum latus sit ipsas nectens normali­
ter parallelas, quanquam etiam loco parallelarum possint
esse puncta, nempè vbi desinunt in acuminatas prorsus
figuras.

PROP. I. THEOR. I.

TEmpora, quibus duo motus complentur sunt in ra­
tione imaginum homogenearum ipsorum temporum.