Ceva, Giovanni Geometria motus 1692

author index 48 / 112      search

42
ctum iuxta tendentias rectas, obliquatur tamen ob subse­
quentes, aliò tendentes nisus, & ob id distrahitur punctum
ipsum à priori tendentia, idem accidit ex alia parte si re­
flaxisset idem punctum, nempe hinc inde vnicam rectam
eandemque, continuantibus oppositis ad idem punctum
directionibus, ergo directio, & tangens vna, & eadem est
recta.

Pr. 7. huius.

Corollarium.

Hinc sequitur, vnicam lineam dicendam esse, cum à quo­
cunque illius puncto vnica tantùm ex vtraque parte egre­
ditur tangens.

DEF. III.

QVòd si ex aliquo puncto duæ tangentes hinc inde
egredientes angulum efficiant; tunc propositam li­
neam inflexam dicemus, & punctum, in quo sunt
contactus, inflexionis appellabitur.

Corollarium I.

Ab hisce deffinitionibus, & priori coroll. manat artificium
componendi duas curuas, vel curuam & rectam, adeout vni­
cam lineam efforment, nullumque angulum; nempe cum sic
inuicem iungamus, vt tangentes ad punctum connexus, vnam
tantùm rectam efficiant.

Corollarium II.

Sed & illud patet, quibus angulis inflectantur lineæ inui­
cem compositæ, si ad punctum inflexionis angulum tangen­
tium obseruauerimus, sunt enim interse æquales, licèt diuer­
sa speciei, cum vnus sit curuilineus, & rectilineus alter.