Ceva, Giovanni Geometria motus 1692

author index 47 / 112      search

PROP. VI. THEOR. IV.

VT eadem recta ex fluxu puncti renouetur, opportet in
quocunque illius puncto seruari pristinas directio
nes,

Cum, vti diximus, ad descriptionem lineæ duo tantùm

exigantur, nempe motus, & puncti directio; motus verò po­
test esse quilibet, sequitur ergo directionem, alteram de
duobus, seruari debere.

Ax. 2. buius.
pr. 5. huius.

DEF. II.

LIneam dicimus curuam, in qua sumptis duobus ad­
libitum punctis, recta, quæ ipsa puncta coniunge­
ret, nullam cum proposita linea partem sit habitura com­
munem.

PROP. VII. THEOR. V.

DIrectiones puncti describentis lineam, iuxta rectas
lineas concipi debent.

Dum punctum fluere intelligimus, inest in eo singulis
momentis certus, ac præfixus gradus velocitatis, quo tan­
tùm attento, rectà, æquabilique motu in certam partem con­
tenderet; at huiusmodi iter, aliud non est, quàm directio
puncti, qua eius temporis momento proficiscitur; ergo iux­
ta rectas lineas, directiones omnes considerari opportet.

PROP. VIII. THEOR. VI.

TAngens, & directio motus in quouis curuæ puncto
est vna, atque eadem recta.

Nam in descriptione cuiuscunque rectæ procedit pun­