| Casati, Paolo Terra machinis mota 1658 |
|
illam Platonis exemplum ab omni calumniâ vindicat:
Breuitatem cum perspicuitate consectanti methodus hec
magis arridebat. At quid opus erat calculorum progres
sus, quibus numeri illi indagantur, quos in colloquio
dissertatores afferunt, ad fastidium inculcare? Id enim
communiter periti Arithmetici non faciunt; sed calamo
in schedulâ taciti inuestigant: id quod ab huius dialogi
interlocutoribus factum ponimus. Quod si quis id mihi
culpæ vertat, sciat me peccare maluisse omittendo,
quam tantâ numerorum vi lectorem onerando. Placuit
verò tres viros de Mathematicis disciplinis optimè me
ritos (qui diem nostro æuo obierunt) Galilæum, Mer
sennum, Guldinum dissertatores exhibere; vt ex Italicâ
pariter, Gallicâ, atque Germanicâ Mathesi commen
tatiuncula hæc lucem mutuaretur, quam non potuit ab
authore recipere. Nec te pluribus volo. Vale.
SYNOPSIS TOTIVS OPERIS:
DISSERTATIO PRIMA
Machinarum vires inter se comparat.
DISSERTATIO SECVNDA
Terræ grauitatem inuestigat.
DISSERTATIO TERTIA
Methodos varias inueniendi terræ quantitatem proponit.
DISSERTATIO QVARTA
Ex aquæ separatione à terræ motus facilitatem infert.
DISSERTATIO QVINTA
Minorem telluris grauitatem in aqua explicat.
search