Casati, Paolo Terra machinis mota 1658

author index 15 / 241      search

7
D ipsius C, & E ipsius D, & M ipsius E. Quare
Ratio motûs potentiæ M ad motum ponderis
P, ex vnicâ Ratione quintuplâ, & quinque
vigequintuplis componitur: Est igitur motus
potentiæ ad motum ponderis vt 48828125
ad 1: & potentia, quæ pondo centum valeat
attollere, pondus librarum 4882812500
mouebit.

Cum itaque tam immane pondus moueri
possit quinque tantum cochleis insinitis,
quæ totidem dentatis tympanis congruant;
contra verò, reiectâ helice, decem maiora
totidemque minora tympana componi opus
sit, vt pondus idem attollatur; liquidò constat
longè faciliorem esse multiplicis cochleæ, quàm
Glossocomi vsum; ac proinde quadragesi­
mum Archimedis inuentum helicem fuisse,
procliuius est opinari.

Gal. Nec ego inficior, nec diffitetur Gul­
dinus helicis infinitæ vires cæteris machi­
nationibus longè præstare: sed quæ nos cogit
necessitas affirmandi Archimedem quadra­
gesimo loco in inuentum planè facillimum
incidisse? Quis fuerit Archimedææ contem­
plationis scopus, in quo conquiesceret, me,
fateor, later Quid verò, si quis machinæ faci­
litatem non in eo statuendam censeat, quod
illa paucioribus membris contineatur; sed in