Casati, Paolo Terra machinis mota 1658

author index 128 / 241      search

119
fundamenta sternis: ac, quæ mihi aduersą
est fortuna, nusquam licuit integrum librum
reperire, ex quo nostri exemplaris hiatum
supplerem, Id quod te præmonuisse oppor­
tunum fuit, ne, si fortè nobis non conuene­
rit, me contradicendi studio actum putes:
nisi me tamen mea fallit opinio, in minimis
dissentiemus.

Gal. Libens audio, qui contra senserint.
Sed ne te longiùs ab instituto tuo, veriùs di­
cam, nostro, abducam; quidnam ex aquâ
emolumenti speras ad facilem terræ motio­
nem, de qua nobis fuit disputatio?

Guld. Futurum puto, vt plurimum pon­
deris de terreno hoc orbe, qui aquam pariter
ac terram complectitur, deduceretur. Illud
enim extra omnem controuersiam positum

accipio, quod aqua aëre grauior est; & fluida
cùm sit, semper ad inferiora delabitur, vt
infra aërem vniuersi centro vicinior consistat.
Ex quo fit, vt nusquam quiescat, nisi vbi
nullus patet locus, in quem descendat. Qua­
rè cum sola superficies sphærica paribus ra­
diis à centro remoueatur, aquæ quiescentis
superficiem sphæricam esse necesse est: quan­
doquidem siquæ superficiei partes à centro
longiùs abessent, vtpote altiores ad motum
procliues non subsisterent, sed humiliorem