Casati, Paolo Terra machinis mota 1658

author index 127 / 241      search

118
quæ subitam approbationem temerè extor­
quere viderentur; sed quoniam, vbi multa
sunt, quæ sibi aptis nexibus cohærere de­
beant, ne veritatis compages luxata pereat,
periculosum & lubricum est facilè assentiri,
nolui me in præcipitem locum committere;
sustinendam potiùs tantisper omnem assen­
sionem duxi, dum rem totam discretè &
electè suas in partes, te pro tuâ sapientiâ
opem ferente, digererem. En habes, qui­
bus stimulis actus mihi imperare non potue­
rim, vt à te diutiùs abessem.

Gal. Gratias tibi habeo, mi Guldine, im­
mortales; quod spem iniicias audiendi ex te
hodie, quid de iis sentias, quæ iam tum ab
anno huius sæculi duodecimo conscripsi de
Innatantibus.

Guld. Librum legi tuo dignum ingenio;
nec potuit feliciùs enodari, quam constitue­
ras examinandam quæstionem de solidis in­
natantibus, quamuis humido secundùm spe­
ciem grauioribus, si quidem solitaria suman­
tur, componentibus tamen vnâ cum aërę
sibi adhærescente molem aquâ non grauio­
rem. Illud maximè dolui, quod nactus sim
exemplar siue Bibliopolæ sine Bibliopegi in­
curiâ mutilarum integro folio, & quidem il­
lo ipso, in quo totius futuræ disputationis