Casati, Paolo Mechanica 1684

author index 650 / 815      search

Simili ratione si in A sit clavus, cui superior trochlea stabi­
lis permanens affigatur; extremitas verò funis ductarij M ad­
nectatur brachio libræ ad æquilibrium constituendum sufficit
in N quinta pars gravitatis trochleæ inferioris unà cum saxo F,
& ductu funis MI. Facto igitur in H additamento gravitatis,
ut tollatur æquilibrium, indicabitur quanta resistentiæ accessio
fiat ponderi F ex axium cum orbiculis conflictu: atque simili­
ter repositis loco trochlearum annulis, post æquilibrium aucto
pondere N donec deprimatur, innotescet resistentia orta ex fu­
nis cum annulis affrictu.

Hinc apparet primò satius esse hoc posteriore modo ope­
rari, quia longè minus pondus requiritur in N, quàm in D.
Secundò ad tollendum pondus F cum trochlea inferiore, si
superior fixa maneat, tantam vim in potentiâ requiri, quan­
tâ opus esset ad attollendum absque ullâ machinâ pondus N
præponderans; ad attollendum verò idem saxum F cum
utrâque trochleâ, trahendo scilicet sursum trochleam A,
tantam vim exigi in potentia, quanta requiritur ad attol­
lendum pondus D præponderans. Tertiò, retentis iisdem tro­
chleis, sed mutato pondere F, examinari posse, an, & quan­
to major resistentia oriatur ex majore pressione axium,
quando pondus est majus. Quartò. mutatis trochleis, & pon­
dere eodem retento, disparitatem aliquam inveniri, quia non
omnium trochlearum axes sunt æquè teretes, ac politi,
& suorum orbiculorum foramini congruentes. Quod si, exa­
mine hujusmodi semel instituto, orbiculos manu paulisper
convertas, & iterum idem examen instituas, neque æqua­
lis inveniatur resistentia, indicium erit foramen orbiculi,
aut fortasse etiam axem, non esse, exquisitè rotundum.
Quintò. simili examine in annulis inito deprehendi posse,
an faciliùs succedat tractio fune crassiore, an verò te­
nuiore.

Non ita tamen necesse est indicatâ methodo uti, ut, si
non placeat jugum libræ æqualium brachiorum adhibere,
nequeas loco libræ stateram applicare ut trochleæ A, aut
funis extremitati M: primùm enim indicabitur æquili­
brium: deinde longiùs reducto sacomate, usque dum appa­
rere incipiat præponderatio, innotescet quantitas impedimen-