Casati, Paolo Mechanica 1684

author index 561 / 815      search

545
ad motum potentiæ, & reciprocè ita potentiæ vis movendi, ad
pondus. Quare ulteriùs manifestum est, si majore potentiæ vir­
tute opus fuerit, spectatâ ponderis movendi difficultate, posse
augeri manubrium, ut majora sint potentiæ momenta. Quo­
niam verò non semper in promptu est opportunum manubrium,
suaderem extremum axis caput, quod manubrio inseritur, qua­
dratum fieri, & longiusculum esse: loco autem vulgaris manu­
brij habeatur crassioris cylindri frustulum MN, in cujus imâ
basi circa centrum excavatum sit quadratum foramen S ad exci­
piendum caput axis, & ipsius cylindri scapum penetrent fora­
mina rotunda R, T, quibus pro opportunitate inseri possint ba­
culi sive longiores, sive breviores. Porrò cylindri crassitiem
nihil obesse apertè constat, si quidem sola rotulæ semidiameter
attenditur ad definiendum ponderis motum comparata cum ba­
culi longitudine, quatenus potentia ab axe rotulæ distat.

Quod si uno eodémque tempore duo pondera in oppositas
partes dispellere, aut sibi invicem propiora fieri oporteat, simi­
lem alteram laminam priori parallelam in eodem plano sed con­
trario modo positam (ut scilicet extremitas similis ipsi ACD
respiciat prioris laminæ extremitatem B) in oppositâ rotulæ
parte colloca ad I, ut pariter laminæ dentes rotulæ dentibus im­
plicentur: Quia enim circuli circa suum centrum circumacti
partes adversæ oppositis motibus cientur, etiam laminarum ex­
tremitates, quæ pondus propellunt aut trahunt, in contrarias
partes à rotulâ circumactâ moventur, ita ut vel à se invicem re­
cedant, vel ad se mutuò accedant.

Hoc idem quod laminæ rectæ dentatæ tympano similiter den­
tato implicitæ contingit, accideret pariter, si illius in circulum
inflexæ extremam oram dentes ambirent: quemadmodum enim
recta lamina AB, tympani HI conversi ductum sequitur, ita il­
la in circulum conformata circa suum centrum moveretur à
tympani dentibus impulsa; eâ tamen ratione, ut duarum hujus­
modi rotarum se invicem mordentium conversiones in opposi­
tas plagas tenderent; si enim prioris rotæ pars superior Occa­
sum versùs converteretur, posterioris rotæ pars item superior
Ortum versùs convolveretur; & si adhuc tertia rota dentata ad­
deretur, hæc iterum proximæ adversata ad occasum pergeret;
atque ita deinceps alternis conversionibus sibi vicissim respon­
dentibus.