| Casati, Paolo Mechanica 1684 |
|
399
tùm ratione gravitatis, tùm ratione positionis & distantiæ, quæ
legem daret motui, ac proinde utrumque æqualiter cederet
virtuti potentiæ. At si pondus A minus fuerit, quàm pondus B,
sed reciprocam Rationem habeant distantiæ potentiæ existentis
in E, ut sit EB ad EA, in Ratione ponderis A ad pondus B;
adhuc æquales sunt resistentiæ; sicut enim in plano Verticali
potentiæ in E sustineret utrumque pondus in æquilibrio, ita in
plano horizontali trahens aut impellens utrumque æqualiter
moveret.
Sint igitur pondera A & B sive æqualis gravitatis, sive inæ
qualis, & ita potentia sit in E, ut EB ad EA non sit in Ratio
ne ponderis A ad pondus B: utique si B moveri non posset,
potentia E circa B, tanquam circa centrum, describeret ar
cum EI, & pondus A arcum AF: similiter si pondus A immo
tum maneret, potentia circa A, tanquam circa centrum, des
criberet arcum EH, & pondus B arcum BG, ex hypothesi
æqualem arcui AF. Potentia igitur in E faciliùs cæteris pari
bus moveret pondus B sibi proximum, quàm pondus A remo
tum, si singula singillatim movenda essent; quia, cum arcus
EH major sit arcu EI, arcus autem BG, & AF sint æquales,
major est Ratio EH ad EI quàm BG ad AF; & per 27. lib.5.
vicissim EH ad BG habet majorem Rationem quàm EI ad
AF. Cum itaque neutra extremitas immota maneat, sed ambo
pondera moveantur, minùs movetur A, quod difficiliùs, ma
gis B, quod faciliùs: ac propterea A simpliciter fungitur mu
nere hypomochlij ad motum ponderis B: hoc verò vicissim ad
ponderis A motum, quamvis minorem, subit vicem fulcri:
Neque enim hic unum tribus motibus, potentiæ videlicet &
duorum ponderum, commune centrum reperire est, quia ad
eandem partem omnium motus dirigitur. Hinc si fune alligato
in E trahas vectem cum ponderibus, punctum E neque omni
no versùs I, neque omnino versùs H dirigetur, quamquam ad
H potiùs, quàm ad I inclinabitur; quia faciliùs A vectis
punctum respondens ponderi convertitur circa centrum gravi
tatis ponderis, quàm propellat aut trahat totum pondus, pro
ut ferunt, & ipsius gravitas, & ejusdem distantia ab E, quæ il
lius resistentiam componunt.
search