Casati, Paolo Mechanica 1684
author indexprevious page210 / 815next page
 show/hide xml  show page   search

194
figure
solùm pondus S, sed & Poten­
tiam, quæ est in R. Contrà ve­
rò si orbiculus V sit adnexus pon­
deri T, funis autem orbiculo in­
sertus alligetur clavo in N, & po­
tentia P sursum trahat, constat ab
axe quidem orbiculi sustineri so­
lum pondus T; à clavo verò N
non totum pondus T sustineri,
sed ejus semissem, nam etiam Po­
tentia P sustinet pondus. Validior
igitur esse debet clavus M quàm
clavus N, hic enim ponderis se­
missem fert, ille verò plus quàm
duplum. Potentia enim R major
est pondere S.

Quòd si tàm pondera S & T,
quàm clavi M & N, atque Po­
tentiæ R & P non in plano Ver­
ticali, sed in Horizontali constituantur, certum est pondera
S & T non suspensa sed jacentia, nihil adversùs clavos M &
N; aut adversùs suorum orbiculorum O & V axes conari, im­
mò neque adversùs Potentias R & P; quandoquidem toto nisu
plano subjecto incumbunt, nullámque exercent Activam Re­
sistentiam; sed Formalem tantummodo, quâ repugnent Po­
tentiis moventibus: quæ quidem resistentia, tùm ex ip â pon­
derum gravitate, tùm ex attritu subjecti plani componitur.
Clavorum igitur M & N ea sit, oportet, soliditas atque firmi­
tas, quæ potentiarum R & P conatibus respondeat; ne forte
clavi ipsi frangantur faciliùs, aut revellantur, quàm pondera
suo loco dimoveantur. Sed hæc innuisse sat fuerit, ut singula
diligenter à machinatore circumspicienda esse intelligatur; ne­
que tamen in his ad nauseam diutiùs immorandum.