Cardano, Girolamo Opus novum de proportionibus 1570

author index 104 / 291      search

Cor^{m}. 1.

Ex hoc etiam sequitur,

quod cùm omne graue
spontè semper appropin­
quet centro mundi, & a si
moueretur per planum e,
magis remoueretur à cen­
tro mundi, ut per e c per ea
quæ diximus, & quoniam
linea ex centro mundi ad
c longior est, quàm ad e,
multò potest enim esse, ut
in proportione diametri
quadrati ad latus eius, &
etiam maior. ergo poterit
esse adeò parum decliuis
linea c d, ut c punctus ma­
gis dister à centro mundi,
quàm d, & tamen feretur
ex d in c motu naturali, ut demonstratum est, ergo per purum mo­
tum naturalem poterit a remoueri à centro mundi. Hoc uolui pro­
ponere, ut intelligeres in plano uero c e non moueri a sponte, quia
c necessariò altior est d: si ergo mouebitur, non erit c e recta, sed
pars proportionis circuli superficiei terræ, quæ sensu à recta distin­
gui non poterit. Hoc ergo est primum, ex quo sequitur.

Cor^{m}. 2.

Quod aliquid poterit uideri decliue, in quo non descendet imò
erit, ut potè si aliqua linea obliqua esset inter c e, & f e, illa esset decli­
uis specie, & re, & tamen graue in illa non descenderet, quia à cen­
tro mundi magis remoueretur: hoc tamen est perdifficile factu, &
maximè in parua distantia, uel etiam unius miliaris. Atque hæc
in leuigatis.

Propositio nonagesima secunda.

Proportionem ponderis æqualis iuxta longitudinis compara­
tionem demonstrare.

Hoc est, quod Archimedes reliquit

intactum, cum esset maximè necessa­
rium, & ostendit magis abstrusa, sed
pace illius dixerim minus utilia. Cum
ergo sumpsissem uirgam b f ponderis
unciarum xxiij, fuisset b a uigesima quarta pars, b f fuit pondus æ­
quilibrij in b appensum librarum uiginti sex cum dimidia: fuit igi­
tur proportio ponderis e f ad pondus f b, ut tredecim ferme ad