Borro, Girolamo De motu gravium et levium 1575

author index 85 / 316      search

SECVNDA PARS
PERIPATETICAE
DISPVTATIONIS

DE MOTV GRAVIVM.
ET LEVIVM

AVCTORE HIERONYMO BORRIO
Philosopho, ac Medico Arretino.

Ab eodem in Almo Pisano Gymnasio publicè
profitente disputata.

Secunda pars princeps, in suas & ipsa partes
distribuitur. Caput I.

SECVNDA Pars in duas paruas
particulas diuiditur: in priore par
ticula huius secundæ partis, vete­
rum Philosophorum opiniones bre
uissimè confutabuntur, in parti­
cula posteriore, ea, quam Aristo­
telis sententiam credimus, quo ef­
ficacius fieri poterit, confirmabi­
tur: posterior pars in suas & ipsa partes suo loco diuidetur.

Primo ergo falsas veterum opiniones, quas de elementorum
vniuersitate, & de ignis, ac terræ loco, quiete, ac motu potissi­
mum habuerunt, refutare oportet: & quoniam non omnes
eamdem sententiam probauerunt, sed alij aliam pro diuersa
voluntate confirmauerunt, compluribus popularibus Philoso­
phis consultè omissis, ad eos tantum repellendos aggrediamur,
quorum sententiæ (vt mihi videor) aliquod momentum habent.