Borro, Girolamo De motu gravium et levium 1575

author index 292 / 316      search

272
At cælum vt cælum, nec dimensionibus, nec ortui, nec inte­
ritui subiicitur; perindeac Socrati, vt animal est, multa insunt,
quæ non insunt ei, vt homo est, & Socrates: habet enim So­
crates vim sentiendi, ratione, qua animal, non autem ratione,
qua homo: ita & cælum ratione, qua corpus non pauca habe
re videtur, quæ de eodem vt cælum nulla ratione dicuntur.

Vniuersalis ergo Aristotelis demonstratio, ex vniuersali­
bus propositionibus conflatur.

His hanc quæstionem absoluimus, in qua diuertisse ab re
fortasse non fuit: vulgatum propter illorum errorem, qui hisce
de rebus minus rectè senserunt. Si cui hæ nostræ disputatio­
nes, vltra quam satis est, processisse videantur, meminisse opor­
tet, disputationem longam non esse, in qua, quam quam multa, ne­
cessaria tamen dicantur: vt illa breuis non est, in qua, licet pau
ca, superuacua tamen referuntur, & nos hæc grauissima, il­
la quidem maximeque vtilia, atque difficilia neque propter
occupatos homines, neque propter delicatos disputauisse; sed
propter eos, qui sunt amore philosophiæ accensi, illius que ar­
dore flagrant, qui sese in literis ab diderunt, & omne studium
veritatis indagationi dicarunt: his certè nulla disceptatio lon­
ga videri possit, quæ de rebus maximis, & vtilibus, & ad co­
gnitionem pulcherrimis habeatur, quantumuis plura dispu­
tentur: & nulla breuis in qua præter paucula verba, vt scopæ
dissolutæ, nihil aliud inueniatur. Valete ergo candidissimi
lectores, & Borrium vestrum vobis omnibus deditissi­
mum hisce de rebus, abditissimis illis quidem pro
suo captu, ac modulo disputantem,
vt par est; amate.

FINIS.