Borro, Girolamo De motu gravium et levium 1575

author index 291 / 316      search

271
Reprehendendus est ergo Alexander, qui Aristotelem in­
dignum qui reprehendatur, reprehendendum est ratus.

Auicenna rebatur hanc Aristotelis demonstrationem pec
care in materia: quippe quæ vel generatim concludit, omne
quod mouetur ab alio destincto moueri, vel particulariter: si
particulariter, ergo non omne, quod mouetur, ab alio distincto
mouente mouetur, sed aliquod tantum: si generaliter, ergo om­
nes propositiones, ex quibus conclusio nascitur, futuræ sunt vni­
uersales: quoniam vniuersalis conclusio non nisi ab vniuersalibus
propositionibus gignitur: at non sunt vniuersales omnes propo­
sitiones. Ergo nec conclusio futura est vniuersalis: minor pro­
batur, ait enim Aristoteles, parte altera quiescente totum quie
scit, id quod probatur ex sexto libro Physicorum: omne, quod
mouetur, est corpus continuum, & in omnes partes diuiduum, id
non est vniuersaliter verum, quia cælum mouetur, quod tamen
est indiuiduum: si enim esset diuiduum, particeps esset diuiduæ
materiæ; quæ cum causa sit interitus illius, in quo est, cælum inte­
ritui obnoxium esset, cui reclamat Peripatetica schola. Vitio­
sam ergo esse Aristotelis demonstrationem ratus est Auicenna.

Auerroes, qui in Aristotelem erroris notam, nec leuissi­
mam illam quidem, ab alio quouis inuri non patitur, sed eun­
dem ab omni iniuria numquam non vindicat, ne in hac parte
ab eodem indefensus relinquatur, hæc Auicennæ argumenta
explicare nititur, & ait. Cælum non vna tantum ratione, sed
duabus, iisdemque diuersis considerari potest: primo modo vt
cælum: secundo modo vt corpus: cælum vt cælum quiescere non
potest, nec est diuiduum, sed cælum vt corpus quiescere potest,
& est diuiduum, & cælo vt corpus est, cætera omnia ascribun
tur, quæ corpori vt corpus est, dantur: est enim corpus quia cor
pus demensionibus subiectum. Ergo & cælum quia corpus.